星林居雲南米線餐廳 (已結業)

系尖沙咀行街饿饿地都会谂起星林居。太吸引，又平又好味。🤤两个人去食，可以净系叫一碗嘢面， 如果想一碗面加一个饮品， 咁个饮品收正价。(就冇得用跟餐优惠喇) 个人觉得咁都几好几方便。佢上面有点餐纸自己拣完写完就ok lu。我今次叫左明火小锅米线，送有萝卜同猪红(小中辣，普通酸，走九) 我觉得好细心，除咗畀客人拣唔同嘅辣度之外，仲有“酸度“可以拣， 可以随个人喜好而选择最岩自己胃口嘅面。p.s. 之前拣过非常酸， 辣得黎好酸嘅感觉好正，但个胃顶唔顺胃痛。。🙊🙊碗面嚟到超级满， 成个碗边都系汁，感觉有啲“那渣“。味道方面，真心好味，又酸又辣好过瘾，佢会有肉碎，感觉个碗面好丰富，萝卜好清甜，可以中和一下。份量好多，一碗够晒饱。唔知系咪有旅游书介绍过， 好耐都几多游客下。 😂