茶木‧台式休閒餐廳 (已結業)

茶木食过好多次，不过下午茶时段都系第一次食。旺角呢间茶木环境几好，够大够寛落。依家疫期严重最忌就系去啲人多挤迫嘅餐厅，黎呢到就可以好放心。下午时间三四点人流好少，好快就安排我地入座。呢到台式餐厅所以餐牌上不乏好多经典台湾美食。今次就点咗个下午茶餐-炸鸡扒配饮品。鸡扒等候需时，系即炸嘅，热辣辣，仲要超脆。而且鸡扒份量超大，三四十蚊有地方坐，个人觉得物超所值。另外额外点咗呢个多士雪糕。每次去茶木都必点甜品。大大份同朋友share就最岩。