上海小南國 (MegaBox)

营业中

休息中

 连续食咗十几日西餐，好想痛快咁食餐有质素嘅中菜，所以今日约齐屋企人去MEGA BOX食小南国，贪佢招呼好又唔使等位。甜醋花生$20一坐低就奉上小食，由于炸花生用甜黑醋捞过，食落酸酸甜甜，越嗒越好味糖醋小排骨$68糖醋排骨好多地方都食到，但今次系以冷盘前菜形式上枱，糖醋少酸少甜薄薄一层干净俐落，一口一件，美味开胃。上海荠菜鲜鱼羹$88细切上海荠菜、鱼肉同豆腐，鲜鱼甜味配啖啖豆腐，清新美味。雪菜毛豆百叶$75呢款菜式系上海人嘅家常菜，材料虽然简单，但难得做到百页汤汁饱满，雪菜微咸爽脆，每次嚟小南国都必定食。麻婆豆腐$68几乎每间上海菜馆都有提供，亦都系评核上海菜馆嘅重要指标。今晚个豆腐做到甜、辛、辣，豆腐够嫩滑，而且个汁唔会水汪汪，送饭一流😋江苏乌醋香肉$98呢个新菜式其实系将五花腩先蒸熟后晾干，以冷盘上碟，再淋上特制黑醋，肉质爽口，不觉肥腻。       可能未算全场爆满，侍应都能笑脸迎人，翻水上菜都非常主动，服务专业亲切，抵赞。