隨然有機玄米菜食料理 (已結業)

成日话养生 , 真系同生活息息相关, 饮食一定要好配合, 呢一间有机素食小店, 食物选择唔算丰富, 只推一种理念就系食得自然与身体配合, 所以佢除咗系素食店同使用有机材料之外， 食材配搭都花过心思，因为每一种材料都不会相冲，而且适合各种体质及人士适用，店员介绍男女老幼都啱食，所用食材都会令身体特别容易消化, 所以的确系养生嘅套餐。入到去环境真系觉得几清幽舒服，简单干净俐落嘅一枱一阵，入到去令人有一种好relax嘅感觉，食嘢要relax都系一种养生之道。阴阳平衡套餐 -和食, 有萝卜面豉汤，酱油豆腐，渍物，糙米饭同羽衣甘蓝沙津。所有食材都系原材料， 简简单单而且煮法，好有妈妈手作风味，肯定冇加太多调味料。 阴阳平衡套餐-洋食， 洋食嘅烹调手法比和食多少少心思， 你睇个焗南瓜配红菜头藜麦就知啦， 另外个意粉个汁非牛奶类制品， 佢使用咗豆奶去做呢个汁， 都一样好味。套餐跟番茶或有机咖啡，既然选择吃得健康 简单，简单叫番杯番茶饮下养生啲。呢个日本番茶系用发酵咗三年嘅茶叶冲出嚟， 对身体有益。跟餐加30蚊可以叫一个甜品， 分别叫咗一个朱古力布甸及豆腐布甸， 布甸里面冇用到牛奶，都系用豆奶代替，