客家好棧 (已結業)

迟了食母亲节饭，所以今日一家六口在此饭局，叫了八款食品，有𩠌、点心同粥粉饭，看似好丰富，但食落,感觉好似冇乜嘢食。埋单三佰几，价钱算合理，但味道真系唔多掂，实在太咸，好彩唔系经常帮衬，否则我都担心自己个肾会有事。鸳鸯茶粿，有咸甜两款味道，白色这件是咸的,有眉豆、花生同菜脯，糯米质感烟烟韧韧，咸咸香香，味道ok。黑色这件是甜茶粿，馅料系豆沙，味道偏甜，感觉一般。豉汁排骨蒸陈村粉，排骨偏肥，所以腍滑，陈村粉质感较嚡口，味道又太咸，到最后要加滚水同食才可。上汤苋菜，汤底同样劲咸，只能加滚水同食.砵仔蒸饭，饭身蒸得太干，有少少生米嘅感觉。蕃薯粥，这个冇影相，粥底唔绵且稀，蕃薯少，胜在冇加味精又唔咸。蟹肉桂花炒粉丝，食唔出有蟹肉，只有芽菜、蛋碎同粉丝，炒得尚算干身唔油腻，可惜味道过咸，难以入口。菠萝咕噜肉，外皮脆口，肉质松软偏肥，甜甜酸酸，味道ok。浓汤瑶柱鲜菌菜苗，菌类同菜蔬本身没有问题，但汤底唔只浓，而且劲咸，影响此菜嘅味道。