鳳城酒家 (已搬遷) 新店位置

四个女仔大家一方面喊减肥，把口就不停食食食，又或者刚刚打完波太肚饿关系，连前菜酸萝卜青瓜都觉得特别好食，一碟唔够喉，问侍应姐姐可否俾多碟唔收钱，佢好爽快应承，佢咁好人，而其他伙计服务唔错，系服务方面我俾5份啦!鸡丝海蜇-海蜇好大条好厚身，但仍然好爽口，仲有少少辣椒吊味，鸡肉好嫩滑，可惜连埋皮，所以比较肥。生炒骨-似咕噜肉多D，买相似为麻麻，一食落口又热又脆，肉质又好，甜酸度恰都好处，除了有青椒菠萝外，还有酸青瓜作配料，是我近期觉得较好水准的生炒骨，而且大家一致赞好，之后还再叫多碟tim。桂鱼卷-鱼肉包住金华火腿，虽然鱼肉唔霉，但缺少鱼味，我只可以话几特别，反而欣赏伴碟的西兰花。生菜包鹌鹑肉(唔记得个全名)-可能鹌鹑肉太碎关系，我食不出什么味道。蟹肉扒芥兰-虽然有唔少蟹肉，但味道略淡些，而芥兰亦嫩又爽口，不过太粗身，较难入口。奉送饭后甜品系合桃露，食得出系自家磨制的，有合桃渣，但又不失香滑，唔会太甜又不会太糊状，好有惊喜，超出一般糖水舖水准。大家都食饱晒好满足后，埋单要$550 唔算平。