愛文生

营业中

休息中

一行四人，六点几去到已经要排队。安排入座后叫咗四个小菜，黄金苦瓜，豉椒炒蚬，椒盐鲜鱿，焗鱼肠。好一般嘅嘢，试晒佢啲水准。豉椒炒蚬非常一般，同出面茶记冇乜大分别，镬气欠奉。椒盐鲜鱿完全不合格！个脆浆系淋嘅！之前我哋坐低，未落order,佢已经拎埋嚟，估计应该系拎错咗，隔咗一阵，我哋落order，佢又拎返黎！估计系拎返同一碟黎！所以应该唔系新鲜炸起，变到淋晒！焗鱼肠系合格嘅，起码鱼肠冇腥味，正常味道。黄金苦瓜又系唔掂，湿立立咁，唔够干身！四碟小菜，三罐汽水一支啤酒，埋单520。收得人百几蚊碟小菜，应该都唔系咁嘅水准啰！！所以绝对冇下次！俾得起咁嘅钱，一定有其他更好选择。奇怪对面𠮶间天X冇乜人排队，下次都想去试下先。