日和号壽司料理 (已結業)

去 Megabox 睇暑期溜冰班资料，顺便欣赏下人哋玩冰曲，睇完就见到响侧边呢间寿司店做紧半价，于是就入去食晚饭啦，行入去店里面就见到列车迎面而来， 暂时满足吓去旅行嘅心愿。我哋喺半价餐单上面拣咗：刺身、寿司、军舰、八爪鱼小丸子，当然唔少得每人要一杯饮品啦。蟹子沙律军舰咬落卜卜脆好过瘾，香葱吞拿鱼腩碎军舰好香有鱼味，海胆军舰甘香软滑 甘海老寿司鲜甜软糯，火炙左口鱼边寿司滑滑兼充满油香，油甘鱼寿司肉质油润，稻荷吞拿鱼沙律寿司， 薄薄嘅腐皮带点香豆，包住吞拿鱼碎沙律同饭几特别。七味火炙鳕场蟹棒上面洒咗七味粉，几惹味。而鳕场蟹棒啖啖肉好充实。我哋钟意食帆立贝，所以叫咗三款帆立贝、胡麻酱火炙帆立贝、火炙柚子胡椒帆立贝，鲜甜嘅帆立贝点整都好味。吉列炸生蚝寿司新鲜炸出嚟脆卜卜，其实寿司饭都唔错。八爪鱼小丸子又系新鲜热辣，闻到香喷喷。生冷嘢唔食得多，所以刺身净系食咗最爱嘅带子咋左边嘅系士多啤梨梳打，里面有啲士多啤梨肉架。右手边系梅子青柠梳打，梅味十足，够晒解渴。