度小月 (海運大廈) (已結業)

入到去「度小月」坐正对住维港嘅位，太好啦！叫咗12个小菜，另外再叫祖传肉燥饭，肉燥饭上面啲肉躁劲少，如果要加肉燥就要加钱，讲真太少肉躁，食唔出乜嘢味！绍兴酒香鸡~入口嫩肉，酒味够！炸脆皮大肠~大肠炸得好脆，又唔会太肥。大肠又唔酥，就算唔点旁边啲椒盐都好够味😋蚵仔酥～蚵仔一粒粒，咬落有啲干，味道够，可惜无乜口感。芙蓉炸豆腐～炸豆腐上面配上紫菜丝同木鱼碎，味道配合得啱啱好，带出豆腐滑嘅口感。樱花虾高丽菜～樱花虾够惹味，加上高丽菜炒得好爽脆，正😋黄金虾卷～普通嘅炸虾卷，无乜特别。凤梨虾球～虾球够大粒，炸到黄金色好靓。点埋旁边嘅菠萝味嘅沙律酱，好香好特别。虾下面布满鲜菠萝🍍片，一口都系好香嘅菠萝味😋😋红曲排骨～味道香浓，咬开肉骨分离，证明排骨炆得够腍，入哂味。盐酥鸡～鸡件较细件，又无酥酥味，食落普通。葱油蚵~成碟豆腐配上浓汁，加上一啲蚵仔，好普通。唔值$98呢个价,食多几啖就觉得啲汁好咸！三杯鸡煲~香味够浓，不过啲鸡较干，味道不过不失。温泉丝瓜蛤蜊～蛤蜊入口无沙，汤够清，丝瓜够清甜。