影片
更多
2022-08-04
1168 浏览
充满旧香港情怀嘅同捞同煲一丝不苟地尽力展现八、九十年代香港嘅面貌，霓虹灯招牌光景、深木色桌椅配绿色墙身、绿色花纹瓷砖，加上播放张国荣、梅艳芳等首本名曲，身在其中，好似去咗一趟文化之旅！餐厅起用嘅伙记大部份系中年人士，说话语调亲切有礼，连负责人都系最好嘅公关，不时行到食客身边询问食物质素，闲聊几句，充满人情味，呢啲喺商业化、速食嘅餐厅好难揾到！打优质边炉嘅好处就系唔限时，同朋友食足两个几钟，畅谈加畅食，身心都满足：➺➺咸蛋芥菜汤汤底$118有大量芥菜同瘦肉，虽然唔系名贵食材熬成，但系汤底真系好清甜，系热辣辣嘅夏日清热下火之选，无放味精，好顺喉，自己最少饮咗五六碗！➺➺卖鱼胜推介海鲜拼盘$398包括八头鲍鱼4只、蛏子王2只、海虾6只，负责人话海鲜系每日新鲜空运到港，以上几款都好爽口弹牙，用打边炉方式去食，食尽鲜味！➺➺梅花黑豚肉$108餐厅将豚肉片卷成两朵大花外型，肉片好大块，肉质偏向结实！➺➺怀旧虾多士$68餐厅推介小食，自己都觉得系必食食物之一！叫得多士以为系包类食品会几饱，点知佢好薄，1cm多d，一咬落去，极为松化，好似食紧饼干咁，加埋餐厅提供嘅酸甜酱，好食到差啲想encore多一碟
餐厅起用嘅伙记大部份系中年人士，说话语调亲切有礼，连负责人都系最好嘅公关，不时行到食客身边询问食物质素，闲聊几句，充满人情味，呢啲喺商业化、速食嘅餐厅好难揾到！
打优质边炉嘅好处就系唔限时，同朋友食足两个几钟，畅谈加畅食，身心都满足：
➺➺咸蛋芥菜汤汤底$118
有大量芥菜同瘦肉，虽然唔系名贵食材熬成，但系汤底真系好清甜，系热辣辣嘅夏日清热下火之选，无放味精，好顺喉，自己最少饮咗五六碗！
➺➺卖鱼胜推介海鲜拼盘$398
包括八头鲍鱼4只、蛏子王2只、海虾6只，负责人话海鲜系每日新鲜空运到港，以上几款都好爽口弹牙，用打边炉方式去食，食尽鲜味！
➺➺梅花黑豚肉$108
餐厅将豚肉片卷成两朵大花外型，肉片好大块，肉质偏向结实！
➺➺怀旧虾多士$68
餐厅推介小食，自己都觉得系必食食物之一！叫得多士以为系包类食品会几饱，点知佢好薄，1cm多d，一咬落去，极为松化，好似食紧饼干咁，加埋餐厅提供嘅酸甜酱，好食到差啲想encore多一碟！
➺➺老油条$28
老油条呢个名本身已经充满情怀，自己成日打边炉都好少喺出边火锅店见到，将炸到香酥可口嘅油条放落汤底滚几秒，索晒汤汁食，滋味十足！
➺➺蟹籽丸$68
手工丸好弹牙！咬落去会爆浆，入面嘅流心蟹籽流晒出嚟！
➺➺鱼皮饺$38
6只大大只，外皮好烟韧，打边炉拣佢唔会错！
➺➺娃娃菜$38
望落去个样都新鲜大棵，切得好完整，自己本身好钟意食，好甘甜！
➺➺冬瓜薏米水$28/杞子圆肉菊花蜜$28
自家制，消暑清热，又有材料天然味道，饮完喉咙好舒服又解渴，感觉养生保健！
火锅店最后仲赠送糖不甩，食法非常有趣，先将鲤鱼造型糯米放入汤底，滚一阵拎上嚟切件，再捞埋花生、芝麻、黄糖粉一齐食，食到咸咸甜甜嘅味道，好特别！仲送埋怀旧小伞花奶啫哩，回忆涌上心头！
**加一服务收费
**酱料及茶芥$15/位
张贴
