吉野家 (又一城)

营业中

休息中

因为岩岩系九龙塘收工，全日都只系食左一片面包，撞正食饭时间，好多餐厅都好多人排队，我已经饿到就快冇命，所以拿拿临冲上Food Court睇下有咩食。Keep紧Fit既晓晴太天真了，成个Food Court根本冇一样食得既，又油又炸又乜乜乜咁，唔想食咁肥都只有吉野家呢个选择 (唔系嫌弃，只系返学再返工一整天想食得好少少)，唯有就照旧啦！呢间吉野家真系令到我好Surpised㖞，因为食物质素真系好过我系沙田或者上水个间，起码一睇就知有心做啦！晓晴叫左个野菜煎鸡饭，再加一个野菜。柜台姐姐好好，除左帮我走左鸡汁之外，细心到连菜汁都帮我走晒(吉野家原意系for全素食者既)，所以成个饭好清爽，走晒我最憎既汁。更Surpised既系个饭超级热，呢下系真心感动的，饭㖞！一定要够热！而且系珍珠米，好味！鸡件有六块，唔油兼干身，去皮后，鸡件仲系热架！野菜就新鲜又甜啦，冇菜汁就更加健康！外点一客泡菜，一般啦，太湿唔够酸唔够辣唔咸，过下口瘾既姐~杯绿茶就超够味同够晒热，食野成个餐成个身暖晒，好感动啊！想减肥既姊妹都可以跟我咁食架！