凱日粵菜館

营业中

休息中

本身系黎食隔离的me time cafe，但人龙长得不得了，旁边的谭仔都有十几人等紧，咁废事再揾地方就去左凯日饮茶，意外地唔使等即刻有枱。叫左个午市套餐，有一碟炒粉面饭再加四样点心。其实两个人真系唔使叫咁多，但散叫个价钱又差唔多，咁求其啦😅叫左普洱茶，茶味一般啦，有色无味个种，去茶楼叫普洱都预左。抵赞系有蜡烛热住壶茶，但加嘅滚水壶就系普通茶壶，所以啲茶其实都好难keep住热嘅。🥢福建炒饭有虾仁、肉碎、杂菜粒等同炒，个汁几鲜几好味，饭炒底够香口，好食㖞。🥢煎酿三宝正正常常嘅三宝，尖椒辣辣地几正。🥢潮煎韮菜棵馅料太湿糊了，但韮菜系香口嘅。🥢香煎萝卜糕粉同萝卜比例约2：8左右，只有少许萝卜丝，胜在有辣椒酱😂🥢山竹牛肉球粉红色的牛肉球，虽然知佢熟左，但观感唔好。加埋一$288，正常午茶价钱啦，都ok几好坐。