春水堂 (東薈城名店倉)

营业中

休息中

去得东涌outlet，当然系尽力扫⋯⋯货啦，唔食餐饱，边有力逛街，仲有10几分钟至到12点，已经有一少条人龙，店舖有点少，好快就坐满了。蒜泥白肉见几十蚊叫嚟试吓，只系一般。卤水拼盘所有都炆得好淋，老妈都食到，味道又香又唔会太咸，超推介。老爸叫嘅慢煮猪手便当，我试咗，淋至骨肉分离，好好味，老爸将汤内嘅肉丸俾我，一向对贡丸无兴趣嘅我，都觉得好唔错，肉质有弹牙感。嗜辣又怕热嘅我当然叫个XO酱辣拌面啦，青瓜丝令拌面无咁「笠」口，XO酱食到有虾干香，微辣好醒胃。之前已试过嘅蕃茄蜜冻饮，今次走糖，饮到蕃茄酸，好解渴消暑。屋企人第一次去春水堂食都赞不绝口。