金裝燉奶佬餐廳 (已結業)

每个星期日都会出荃湾做嘢，今日畀人激亲，嬲到核爆，于是下午茶时候决定食炖奶佬，加八蚊买个糖水下下火。，个下午茶就叫咗个菜沙律同鸡髀，郑36蚊一啲都唔平，但系只鸡髀就好细只，味道都算ok，但真系完全唔脆。个菜沙律就都算系咁，正正常常啦唔算有咩特别。成嚿嘢嚟讲就有少少失望啰。至于家八蚊转𠮶个糖水，我就拣咗雪耳木瓜糖水，谂住清一清下下火。成碗嘢都ok嘅，都好多粒木瓜，而且雪耳都煲得好淋，但系冰糖就似乎落咗好多，好甜好杰。