影片
更多
2020-06-27
4432 浏览
3月个阵酒店做紧周年优惠买左优惠卷，high tea for 2 每人200几蚊 ，原价698 两位再加一，见咁抵所以就买黎试下，但因为个阵疫情开始严重，所以酒店可以俾我哋延迟享用，最后等到六月先去食。今日天气好好，好开心呀酒店俾咗窗口位我哋四个人😍😍个景真系好正，终于体会到咩叫心旷神怡，留返系室内饮下茶，食吓甜品，真系唔错！个下午茶set 一共有10样食物，另外加一壶茶。一开始店员会问你有冇啲咩系唔识嘅，我哋有朋友唔食芝士，所以厨师会安排一份系冇芝士嘅。所以如果有敏感嘅记得同店员讲声。茶我拣左summer tea，系茶包冲出黎既，有果香味，店员会帮你添水😂等我讲下有咩食啦😛1️⃣英式松饼及提子松饼配果酱及奶油忌廉下午茶必备嘅英式松饼，做得唔错，好松化，食落好香奶油味，个果酱味道都唔会太甜，加埋奶油忌廉一齐食，就好好食。总体来讲最简单呢样嘢我系觉得最好食嘅😂2️⃣草莓芝士蛋糕🍰系想像得到嘅味道，正常3️⃣云呢拿大黄馅饼呢个个馅我就觉得甜咗少少 4️⃣椰子菠萝迷你蛋糕呢个几好食，不过冇咗啲椰丝会好啲😂5️⃣牛奶朱古力柑橘泡芙呢个冇咩特别正常嘅朱古力味。6️⃣燕麦蜜糖脆脆配朱古力牛油果布甸如果唔睇个名就咁食嘅话会
今日天气好好，好开心呀酒店俾咗窗口位我哋四个人😍😍个景真系好正，终于体会到咩叫心旷神怡，留返系室内饮下茶，食吓甜品，真系唔错！
个下午茶set 一共有10样食物，另外加一壶茶。
一开始店员会问你有冇啲咩系唔识嘅，我哋有朋友唔食芝士，所以厨师会安排一份系冇芝士嘅。所以如果有敏感嘅记得同店员讲声。
茶我拣左summer tea，系茶包冲出黎既，有果香味，店员会帮你添水😂
100 浏览
0 赞好
0 留言
等我讲下有咩食啦😛
1️⃣英式松饼及提子松饼配果酱及奶油忌廉
下午茶必备嘅英式松饼，做得唔错，好松化，食落好香奶油味，个果酱味道都唔会太甜，加埋奶油忌廉一齐食，就好好食。总体来讲最简单呢样嘢我系觉得最好食嘅😂
2️⃣草莓芝士蛋糕🍰
系想像得到嘅味道，正常
3️⃣云呢拿大黄馅饼
呢个个馅我就觉得甜咗少少
4️⃣椰子菠萝迷你蛋糕
呢个几好食，不过冇咗啲椰丝会好啲😂
5️⃣牛奶朱古力柑橘泡芙
呢个冇咩特别正常嘅朱古力味。
6️⃣燕麦蜜糖脆脆配朱古力牛油果布甸
如果唔睇个名就咁食嘅话会好似食紧朱古力慕丝，同埋啲蜜糖脆脆都已经唔脆，淋晒。
7️⃣焗法式烟三文鱼青豆咸批
可能我本身唔钟意食青豆所以有偏见，我觉得三文鱼同青豆就唔系好夹啦。
8️⃣烧春鸡鸡胸肉及忌廉粟米配迷你软面包
鸡肉都几鞋，面包完全冇特别。
9️⃣忌廉芝士芦笋挞配鱼子酱橄榄油
味道都唔错，鱼子酱所以都会有少少腥味，不过个挞底就太过硬身。
🔟牡丹虾及杏脯蓉配法式奶油面包
牡丹虾配果酱都几清新嘅。
总括来讲，望到呢一个景再加埋有啲嘢食下每人夹二百几蚊我觉得都唔错嘅，一个假日嘅好活动。😆不过你预咗下午茶食物通常都系好睇唔好食，就好似以上嘅食物来讲，我觉得有一半都系麻麻地。🤔另一样野，就系时间上比较急，因为酒店分开咗两个时间，我哋拣咗2:15入座，四点就要交枱，轮到下一轮嘅客人。
我哋都算准时到，坐低望吓风景影吓相，再同卖相唔错嘅食物相机食先，然后每人仲有11件食物可以食，计计埋埋时间真系唔系好够用。😂
我见酒店间唔中都会做优惠，如果有优惠嘅话大家都可以试吓嘅😎
张贴
