影片
更多
2019-03-25
233 浏览
听讲系京瑞有间餐厅叹手工啤好正 难得我地系第一城探完朋友又时间尚正 我同老公即刻搭一个站过去 试一试 见到唔少一家大细用餐 于是我地决定系度食埋晚餐各自点咗一杯Carbon Brews All Day Breakfast (stout)同埋一杯Carbon Brews Crazy Rich (double hazy ipa) 两杯都系由本地精酿酒厂出品前者系黑啤 入口有浓烈咖啡味 带有americano 唔算太苦 但又有5.2%酒精含度 过足口瘾后者偏向水果啤 入口充满芒果及木瓜果香饮落质地顺滑 所以感觉上酒精感相对较低但实际酒精含量有8.2% 呢杯更合我心意主食我地拣咗原条鳗鱼石头锅饭 鳗鱼肥美厚肉软腍 而且无细骨 目测大概十二件 鳗鱼面层涂满照烧汁 加上石锅热力 逼出鳗鱼香气及保持热度 以防冷冻后变腥旁边嘅炒蛋香滑重牛油味 再捞埋落白饭惹味到想独食 呢款大人小朋友都一定钟意食另外又追加黑松露薯条以及泡菜猪肉鸡翼伴酒将炒猪肉酸辣泡菜酿入去骨鸡全翼 一啖咬落去同时食到鸡肉同猪肉 口感有层次 而鸡翼本身经过微炸 更加味浓香口 泡菜属小辣 主要作引味之用 怕辣都啱食 薯条刚炸起 热辣辣上碟
难得我地系第一城探完朋友又时间尚正
我同老公即刻搭一个站过去 试一试
见到唔少一家大细用餐 于是我地决定系度食埋晚餐
各自点咗一杯Carbon Brews All Day Breakfast (stout)
同埋一杯Carbon Brews Crazy Rich (double hazy ipa)
两杯都系由本地精酿酒厂出品
前者系黑啤 入口有浓烈咖啡味 带有americano
唔算太苦 但又有5.2%酒精含度 过足口瘾
后者偏向水果啤 入口充满芒果及木瓜果香
饮落质地顺滑 所以感觉上酒精感相对较低
但实际酒精含量有8.2% 呢杯更合我心意
主食我地拣咗原条鳗鱼石头锅饭
鳗鱼肥美厚肉软腍 而且无细骨 目测大概十二件
鳗鱼面层涂满照烧汁 加上石锅热力
逼出鳗鱼香气及保持热度 以防冷冻后变腥
旁边嘅炒蛋香滑重牛油味 再捞埋落白饭
惹味到想独食 呢款大人小朋友都一定钟意食
另外又追加黑松露薯条以及泡菜猪肉鸡翼伴酒
将炒猪肉酸辣泡菜酿入去骨鸡全翼
一啖咬落去同时食到鸡肉同猪肉 口感有层次
而鸡翼本身经过微炸 更加味浓香口
泡菜属小辣 主要作引味之用 怕辣都啱食
薯条刚炸起 热辣辣上碟 仲系脆卜卜状态
点埋茄汁或者黑松露酱 完全无油腻感
再饮埋手工啤 成件事好chill 我地已经叉足电
准备迎接Monday blues
张贴
