品穀

营业中

休息中

成日行过一直都觉得呢间面包铺d包好靓，价钱一定好贵。今次入到去，发现同我想像中有出入，充满惊喜!入到铺头好第一超多款式，好香面包味，未食早餐行入黎，真系流哂口水。面包款真系好多，真系花多眼乱，要慢慢拣试食咩包。由于我实在太钟意芋头馅嘅制品，见到呢个芋泥小盒，成只紫色四四方方，真系忍唔住入手了，一夹上手，成个包好咁重嘅。收银姐姐好有礼貌问驶唔驶帮你加热? 焗炉加热完成个包即刻好香好香。姐姐专登唔唔封实，成个包唔会俾水蒸气焗到淋哂，真系好体贴!返到公司切开个包，隔离同事都闻到。哗，真系好香好正而且绝对唔系空气包，平时出面食面包，通常都要食2个先够饱(可能我太大食了)，呢个包食完一个已经好有满足感。