影片
更多
2021-06-10
3514 浏览
元朗有几间出名嘅 Omakase，不过都系食寿司。个人认为鱼系应该烧过先好食，刺身的话，只会食海胆同三文鱼子。今次同朋友黎试下呢间，相比之下唔算好出名，起码无上过咩大传媒访问，但系 OpenRice 差不多一致正评嘅鉄板焼きおまかせ。首先 book 枱要俾 HK$500 留位费，去到餐厅佢会现金俾返你。我哋预早两个星期 book 咗星期六，店员建议 Omakase 由12点开始，估唔到一食就食到3.30pm都未走，真系好抵！成个 Teppanyaki 样样都好好味，AfterTaste 系剪片，先记得晒自己食过乜。数过总共有17道料理，由于 Omakase 系无餐牌，只系凭记忆列返出来。厨师板前有一边煮一边讲解，但挂住拍片影相同趁热食，都无用文字记低细节，所以只可以粗略作返个名留念 (但睇片可以睇到每道料理嘅精彩)：1. 日式沙律 (系精致好味嘅)2. 黑松露BB菇蒸蛋 (系鲜甜香滑嘅)3. 季节烧一夜干+小口白粥 (煎鱼嘅鲜甜味道，香香脆脆，时间拿捏得恰到好处。厨师话要一口鱼一口粥咁食，但我忍唔住食咗食晒条鱼先！)4. 海藻三文鱼子带子(呢个睇片见到都好吸引，紫色花系食得，有啲香草味
首先 book 枱要俾 HK$500 留位费，去到餐厅佢会现金俾返你。我哋预早两个星期 book 咗星期六，店员建议 Omakase 由12点开始，估唔到一食就食到3.30pm都未走，真系好抵！
成个 Teppanyaki 样样都好好味，AfterTaste 系剪片，先记得晒自己食过乜。数过总共有17道料理，由于 Omakase 系无餐牌，只系凭记忆列返出来。厨师板前有一边煮一边讲解，但挂住拍片影相同趁热食，都无用文字记低细节，所以只可以粗略作返个名留念 (但睇片可以睇到每道料理嘅精彩)：
1. 日式沙律 (系精致好味嘅)
2. 黑松露BB菇蒸蛋 (系鲜甜香滑嘅)
3. 季节烧一夜干+小口白粥
(煎鱼嘅鲜甜味道，香香脆脆，时间拿捏得恰到好处。厨师话要一口鱼一口粥咁食，但我忍唔住食咗食晒条鱼先！)
4. 海藻三文鱼子带子
(呢个睇片见到都好吸引，紫色花系食得，有啲香草味，三文鱼子我至爱，配海藻汤，加带子，一小口又系鲜甜嘅味道)
5. 鲜活北寄贝铁板烧
(又系一淡食晒，个汁又带出鲜味)
6. 嫩蒸BB生蚝
(蒸到啱啱熟，既有生蚝嘅嫩滑口感，又唔会一阵生嘅海水味)
7. 连鳞炸金鲷
(鱼鳞𠮶边炸到超级香脆，肉𠮶边又保持嫩滑，成旧都鲜甜美味)
8. 南非鲍鱼铁板烧配鲍鱼肝浓酱
(鲍鱼有口感有鲜味，最正系个鲍鱼肝制嘅汁，厨师话鲍鱼肝要另外买啲大嘅肝，专系用来整个汁，绿色杰挞挞，超级浓味。好想将个汁私有化，用来点其他嘢，或者𩠌饭就正！)
9. 禾秆草烟熏吞拿鱼脑天 (绝顶好味)
呢个系我一生人食过最好味嘅一口鱼肉，鱼油香滑，入口即溶，原来呢个就系大名鼎鼎嘅脑天 (脑天即吞拿鱼头顶的肉，一条吞拿鱼只得两片，口感软滑，筋少而脂肪多，鱼味极浓，用作刺身或寿司皆宜。) 睇片都会领略到𠮶种火烧鱼油嘅质感，呢一淡认真系回味无穷！
10. 虾膏虾汁炒越南大虎虾
(厨师最拿手嘅，用返虾膏来做个汁，炒返啲虾肉，无比细致，仲 fine 过西餐 fine dining，仲要喺你面前表演，所以呢个价钱真系好值！)
11. 煎鹅肝多士
(系预期中嘅煎鹅肝味道，咁平时都有成日食鹅肝，系好香好好味嘅！)
12. 美国牛肉粒铁板烧
(厨师问我哋5成熟得唔得，我哋梗系最听话架啦！但佢煎完出来应该超过5成熟，我几钟意，不过朋友话生少少好啲。各人口味唔同啦！)
13. 龙虾头鲜甜面豉汤
(以为系一般嘅面豉汤，但饮落特别鲜甜，厨师话加咗龙虾入去，果然样样都系好味过平时！)
14. 日本高菜蛋黄沙律酱炒饭
(呢个饭睇片都好精彩，加好多料，好有心机炒到粒粒晶莹，女士们怕太饱，佢会俾到份量不多，浅尝美味。高菜同蛋黄沙律酱酸酸地，又唔会太漏，其实几好味，所以个个都忍唔住食晒自己𠮶碗！)
15. 樱花虾炒菜 (呢个就真系无乜特别，正常嘢)
16. 焦糖牛油多士
(睇片都见到有几特别，厨师话呢个要当系甜品咁食。其实牛油沙糖多士系我哋以前英国 boarding school 嘅美食，估唔到咁多年后嘅 omakase 会见返 ^^，我梗系知好食啦！不过佢煎到咁香脆，再切条状，砌靓上碟，仲更加好味，所以虽然邪恶但又系个个都食晒无剩！)
17. 开心果雪糕 (呢个绿色雪糕系几香滑嘅)
成餐 HK$700 +10% 叹足三个半钟食啲咁精致高质嘅食材真系物超所值，所以我好耐无写 OpenRice 都要重出江湖介绍返！记得睇埋条片，有两分钟精华同8分钟详细片段，任君选择。Highly Recommend！
传说中嘅吞拿鱼脑天
23 浏览
0 赞好
0 留言
鲍鱼肝浓汁配鲍鱼铁板烧
27 浏览
0 赞好
0 留言
张贴
