港城茶餐廳

营业中

休息中

在附近行过小朋友又肚饿所以就过嚟食，结果系少少中伏的感觉，唔系因为佢食物质素好差，而系因为佢的食具卫生实在吓亲我。叫咗碗水饺面，碗面上枱其实都OK，只系一打开食具的抽屉，就见到一对对污糟邋遢的筷子， 有些黏着菜叶，有些黏着黑色不知名物体，好呕心。我揾咗好耐，终于揾到四只稍为干净少少的筷子。然后再用佢比我嘅两杯热水洗呀洗，再用纸巾用力抹先咁用。而家仲惊紧食完之后会唔会肚饿、肠胃炎。水饺面嘅味道就普普通通，面底偏林，而且碱水味好重，重到有点苦，所以小朋友唔系好肯食。水饺嘅味道就唔错，都算几大只。