影片
更多
2018-06-27
3416 浏览
旅行回來, 第一餐出外用餐就選擇呢度無他嘅, 就係掛住佢呢度嘅特色養生湯底, 款款都吸引, 依加設有雙拼湯底, 以較高價錢湯底收費, 同一時間可以試2款湯底, 咁就掂啦!麻辣鍋以多種香料及藥材, 香夾惹味, 加入鴨血及凍豆腐, 辣度任你選 (小辣級岩我), 仲加送多一份鴨血比你, 抵呀! 每次黎食鴨血都口感嫩滑, 似食緊果凍咁, 但又唔會一夾就散開, 配麻辣湯底真係好鬼正架, 呢度嘅鴨血係我食過咁多間麻辣火鍋最正嘅! 仲要加埋"索湯尤物"凍豆腐, 咬時小心被熱湯燙到呀!另一邊為寧神養心鍋 ($168), 以川芎, 白芷, 天麻, 當歸, 鮮鷄, 豬肉及鮮魚淆成, 滾起時已聞到好香藥材味! 當然先飲頭啖湯, 飲落有藥材香味, 入口舒服又好味, 真係好似一碗補身湯咁, 最緊要飲完唔會口渴嘛!"湯渣"有竹絲鷄及魚頭, 鷄肉烚完都仲算滑; 另外個魚頭煎香左一D都唔會腥, 魚雲又夠滑, 煲到D骨都腍晒, 通常"湯渣"都無人會食, 但呢兩樣都被我地食晒.........無變廚餘!"LIKE佢Facebook及打卡仲有無酒精類飲品一杯請你飲" 呢個優惠仲有, 當然要拎個電話比個LIKE先啦, C
無他嘅, 就係掛住佢呢度嘅特色養生湯底, 款款都吸引, 依加設有雙拼湯底, 以較高價錢湯底收費, 同一時間可以試2款湯底, 咁就掂啦!
麻辣鍋以多種香料及藥材, 香夾惹味, 加入鴨血及凍豆腐, 辣度任你選 (小辣級岩我), 仲加送多一份鴨血比你, 抵呀! 每次黎食鴨血都口感嫩滑, 似食緊果凍咁, 但又唔會一夾就散開, 配麻辣湯底真係好鬼正架, 呢度嘅鴨血係我食過咁多間麻辣火鍋最正嘅! 仲要加埋"索湯尤物"凍豆腐, 咬時小心被熱湯燙到呀!
54 浏览
0 赞好
0 留言
另一邊為寧神養心鍋 ($168), 以川芎, 白芷, 天麻, 當歸, 鮮鷄, 豬肉及鮮魚淆成, 滾起時已聞到好香藥材味! 當然先飲頭啖湯, 飲落有藥材香味, 入口舒服又好味, 真係好似一碗補身湯咁, 最緊要飲完唔會口渴嘛!
"湯渣"有竹絲鷄及魚頭, 鷄肉烚完都仲算滑; 另外個魚頭煎香左一D都唔會腥, 魚雲又夠滑, 煲到D骨都腍晒, 通常"湯渣"都無人會食, 但呢兩樣都被我地食晒.........無變廚餘!
"LIKE佢Facebook及打卡仲有無酒精類飲品一杯請你飲" 呢個優惠仲有, 當然要拎個電話比個LIKE先啦, Cheers...............
落好火鍋配料單就正式進入火鍋環節
御選梅花豬 ($118) - 切成薄片捲成一圈圈, 肉色靚仔, 脂肪分佈唔算太多; 無需烚好耐已經食得, 配埋少少肥膏一齊食, 肉質出奇地滑, 一啖一片岩岩好, 肉味都幾出!
御選梅花豬
24 浏览
0 赞好
0 留言
餃類點了自家製極品水餃 ($42/半份), 隻隻飽滿, 烚完都成隻匙更咁大隻, 而內有大半隻蝦及饀料食到好香麻油味, 果真皮薄餡靚!
自家製極品水餃
17 浏览
0 赞好
0 留言
墨魚丸夠晒大粒又彈牙
9 浏览
0 赞好
0 留言
本來想叫牛胸爽, 但可惜無貨返, 改叫蜂巢牛肚 ($88) - 以五香料煮腍左, 烚熱返基本上已食得! 放入兩面湯底都夾到, 尤係另一款索湯尤物!
蜂巢牛肚
10 浏览
0 赞好
0 留言
雜錦蔬菜盤 ($68) - 有幾款蔬菜, 份量都幾對眼, 又有雜菇及金菇菜, 樣樣有D唔駛煩惱! 但每次都有少少唔同, 今次有秋葵就無粟米芯!
9 浏览
0 赞好
0 留言
寬粉條 ($38)係我每次黎呢度都必叫嘅, 無需烚好耐, 烚至透明色就食得, 快過煮個即食麵, 口感煙韌, 同咩湯底都做到好朋友!
寬粉條
9 浏览
0 赞好
0 留言
有D食物食完會另你忘記唔到, 耐不耐會去搵佢, 呢間應該都係.........除非唔係!
张贴
