Mr. Bake (已結業)

喺附近拜完神就揾地方医下肚，经过一间叫做《Mr. Bake》嘅面包蛋糕专门店，专卖稀少糖蛋糕，好注重健康嘅我又贪靓嘅我，当然要入去探索下啦。店舖除咗售卖蛋糕、面包同埋三文治之外，估唔到仲有意粉、曲奇饼同埋饮品，多款式多选择，仲有下午茶餐添。我同朋友就拣咗「朱古力挞」、「绿茶红豆栗子蛋糕」同埋「朱古力牛角包」。呢三款蛋糕同埋面包食落去嘅味道同出面嘅面包舖好唔同，正因为《Me.Bake》系制作各款蛋糕同埋面包嘅时候，坚持不使用添加剂，务求令顾客食出健康。当中「绿茶红豆栗子蛋糕」味道切合我口味，一向我都唔太钟意太甜嘅蛋糕，估唔到食落去唔太甜之余，仲食到好浓郁嘅绿茶味道，再加红豆同栗子，更加有口感。另外「朱古力牛角包」质感松软，外皮香脆，食落去软绵绵嘅口感，加一点朱古力酱味道，好味道。饮品方面都有多款选择，最后拣咗一杯冻「朱古力咖啡」，味道好香浓，两者好Match，估唔到香浓嘅丝滑朱古力配衬咖啡，另有一番味道。