影片
更多
2020-12-01
109 浏览
前排先食完台湾菜，今日又黎左呢间台式小店【五斗米】，Menu上有唔少地道小吃，感觉几有台湾风味；而且价钱相宜，试多几款都唔会肉赤。《原汁牛肉面 $60》可以拣细面或者加钱转刀削面，最后要左细面，汤底浓郁但少左d牛味，反而牛肉整得唔错，肉质腍滑有胶质，面身有咬口，加d辣会更惹味。《肉燥干拌饭 $55》配料丰富，有肉燥、肉丸、津白、卤蛋，米饭烟韧，配咸香味重的肉燥送饭一流，津白多汁鲜甜，肉丸有d干左少少。《玉米起司蛋饼 $38》外皮香脆，里面包住半溶的芝士同粟米，又甜又咸几好食。《盐酥鸡 $30》呢个价钱真系好抵食，鸡肉好多汁，调味同其他店有少许不同，真系有少少台湾夜市味道，几有惊喜。《九份芋圆 $32》有番薯、芋头两种芋圆，份量好足料，口感烟韧，糖水亦唔会过甜，可以一试。《蜂蜜柠檬爱玉 $23、乌梅汁 $18》蜂蜜柠檬配搭爱玉真系好夹，酸甜味道，口感Q弹滑溜。朋友的乌梅汁亦不错，有d似古早味酸梅汤，爽凉解渴。
《原汁牛肉面 $60》
可以拣细面或者加钱转刀削面，最后要左细面，汤底浓郁但少左d牛味，反而牛肉整得唔错，肉质腍滑有胶质，面身有咬口，加d辣会更惹味。
《肉燥干拌饭 $55》
配料丰富，有肉燥、肉丸、津白、卤蛋，米饭烟韧，配咸香味重的肉燥送饭一流，津白多汁鲜甜，肉丸有d干左少少。
《玉米起司蛋饼 $38》
外皮香脆，里面包住半溶的芝士同粟米，又甜又咸几好食。
《盐酥鸡 $30》
呢个价钱真系好抵食，鸡肉好多汁，调味同其他店有少许不同，真系有少少台湾夜市味道，几有惊喜。
《九份芋圆 $32》
有番薯、芋头两种芋圆，份量好足料，口感烟韧，糖水亦唔会过甜，可以一试。
《蜂蜜柠檬爱玉 $23、乌梅汁 $18》
蜂蜜柠檬配搭爱玉真系好夹，酸甜味道，口感Q弹滑溜。朋友的乌梅汁亦不错，有d似古早味酸梅汤，爽凉解渴。
张贴
