嚐館 (已結業)

湾仔觅食, 大部份都系西餐厅，行黎行去都揾唔到合心水既餐厅，路经呢间, 门口好光猛，决定入来一试，上咗一层楼，装修独特，带有中国色彩，D枱摆放得宜，一D都唔迫，仲有舒适既感觉，枱面摆放用具颇特别，尤其个茶壸，好似古代用, 好靓，可能用铁造，所以好鬼重. 店员首先拿上前菜，有炸花生，青瓜，咸菜云耳，个汁调较得不酸不咸，正👍,之后店员推介老火例汤，真材实料，冇味精，好好味道，餐牌内有好多fusion菜，叫咗鲍鱼剌身，鲍鱼好爽口烟韧, 加埋芥辣，鲜甜美味，仲有茶香烟熏鸡，卖相黑蚊蚊，唔吸引，但有阵阵炭烧烟熏味，师傅控制火喉恰到好处，咬落去，D皮脆架，肉质唔干，好特别既一道菜，另外不得不提，荷香笼仔龙趸糯米饭，哗，龙趸鲜味入哂糯米饭度，糯米饭又软硬适中，鲜甜美味，正到冇朋友呀