廣成冰室 (裝修中)

咁岩去开上水行下，就谂起广成，佢卖嘅野同门面一睇就知系食怀旧味。餐牌好简单﹕早餐/茶餐平时通常都要排好耐队，今日条队短左，可能未到lunch hour，都算快入到去。我就拣左茶餐牛肉通/蛋治/冻奶茶少甜加个菠萝油。菠萝油先上左个菠萝油，揾支叉压一压包面即刻弹番上黎就知系好包，配埋牛油真系无得弹。奶茶系旧式冰室传统丝袜奶茶方式泡制，茶香得黎又浓。姜丝牛肉通粉牛肉够腍同埋无梳打粉果种感觉，个汤清清地，配合姜丝唔会觉得辣之外仲好够味鸡旦三文治蛋份量好多，佢系无加牛奶整的，唔系炒滑蛋果种。蛋汁渗晒落个包到而且大大啖真系好正。