影片
2022-09-03
1465 浏览
本身就系潮州妹嘅我，真系细细个食潮州粥、潮州𩠌大。近年因为妈妈不在，已经少了很多机会食到家常潮州便饭。自从加入潮州菜关注群组，揽到我心思思食日想食，终于今晚约埋家姐去九龙城食潮州菜。八点左右去到，已经坐满座要等位。老板娘都好好拎咗啲折椅比我地坐住等。大概十五分钟左右终于有台了。入座后即刻睇吓食啲乜。潮州人家常饭𩠌 《潮州春菜》，呢个食番儿时屋企的味道。细细个屋企一定有一煲坐镇，春菜要煮到又淋又入味，放入咸猪肉，春菜吸收咸肉香，送粥一流。《胡椒猪肚汤》呢个都系童年回忆，记得细个试过帮手洗猪肚，又要粗盬去潺又要白镬炒完先煲，工夫都系唔少。另外胡椒最紧要煲够时间先会爆开，汤先够胡椒香辣味，饮完十分暖胃有益。加埋潮州酸菜，成个汤咸咸酸酸辣辣，又系一个汤，啲猪肚酸菜又可以做一个𩠌。《卤水鹅片》卤水鹅以前好矜贵，记得细个每逢过时过节，妈妈先会买一只鹅返嚟自己㓥。整卤水鹅要搞足两日，都算是功夫菜之一。食鹅点都要有少少肥至好味，卤水够味，入口有花椒八角香。呢间嘅鹅肉嫰甘香，片片厚薄均一，啖啖鹅肉令人齿颊留香。《煎蚝仔饼》真系潮州菜最受欢迎热门菜之一。香脆惹味，蚝仔鲜甜，加埋芫荽葱同鱼露，大人小朋友都钟
八点左右去到，已经坐满座要等位。老板娘都好好拎咗啲折椅比我地坐住等。大概十五分钟左右终于有台了。入座后即刻睇吓食啲乜。
潮州人家常饭𩠌 《潮州春菜》，呢个食番儿时屋企的味道。细细个屋企一定有一煲坐镇，春菜要煮到又淋又入味，放入咸猪肉，春菜吸收咸肉香，送粥一流。
《胡椒猪肚汤》呢个都系童年回忆，记得细个试过帮手洗猪肚，又要粗盬去潺又要白镬炒完先煲，工夫都系唔少。另外胡椒最紧要煲够时间先会爆开，汤先够胡椒香辣味，饮完十分暖胃有益。加埋潮州酸菜，成个汤咸咸酸酸辣辣，又系一个汤，啲猪肚酸菜又可以做一个𩠌。
胡椒猪肚汤
20 浏览
1 赞好
0 留言
《卤水鹅片》卤水鹅以前好矜贵，记得细个每逢过时过节，妈妈先会买一只鹅返嚟自己㓥。整卤水鹅要搞足两日，都算是功夫菜之一。食鹅点都要有少少肥至好味，卤水够味，入口有花椒八角香。呢间嘅鹅肉嫰甘香，片片厚薄均一，啖啖鹅肉令人齿颊留香。
卤水鹅片
172 浏览
1 赞好
0 留言
《煎蚝仔饼》真系潮州菜最受欢迎热门菜之一。香脆惹味，蚝仔鲜甜，加埋芫荽葱同鱼露，大人小朋友都钟意食。
煎蚝仔饼
33 浏览
1 赞好
0 留言
《韮菜猪红》呢间韮菜够嫩，吾会好老好多筋。猪红整得几出色，又够滑又够味，真系好好食。普通食材都煮得好昧，呢个先利害。
韮菜猪红
27 浏览
0 赞好
0 留言
《高手反沙芋》系潮州经典菜式。每逢农历新年妈妈都会整。不过因为生芋头会令皮肤痕痒，所以冇学过整。依家相信都越嚟越少人识整，所以几饱都好，家姐坚持要食。芋头好靓够粉，师傅真系高手，每件芋头都均匀沾上沙糖，真心十分欣赏。
最后，我哋当然食唔晒，吾好浪费，打包咗返屋企比阿仔宵夜，等佢都品尝一下潮州传统饮食文化。
高手反沙芋
32 浏览
1 赞好
0 留言
老板娘同高手师傅都好有善，知我哋两个系潮州妹，一有空闲就走埋嚟坳水吹，仲话请我哋饮多支青岛咁话㖞，真系感受番儿街坊的人情味。
临走仲要比我见到肥美盐焗乌头鱼，今次无食下次一定要食。
张贴
