富來粥麵小廚

营业中

休息中

今晚选择去富来食个简单晚饭，我order咗粟米石斑饭同西炒饭，伙记提议我另选招牌炒饭，我知招牌炒饭价钱贵好多，同埋我想食茄汁味道嘅饭，所以礼貌地拒绝咗，伙记落完单后，再次提议我order例汤饮，但系其实我不太肚饿（到最后我仲剩咗一整盒西炒饭打包返归），所以亦礼貌地拒绝咗。到上菜时，除咗西炒饭，仲上咗一碟粟米石斑（小菜，冇白饭）俾我，我当然同佢理论啦，但个伙记非常坚持我系order粟米石斑冇个饭字嘅，佢问我收唔收货，我话小菜贵好多㖞，伙记话贵廿蚊啫（正确系贵廿几蚊），我心谂，廿蚊唔系钱呀？仲要冇白饭，order个白饭咪再俾多十蚊你赚？我好老实同佢讲，你一系就送碗白饭俾我，如果唔系我唔要碟石斑啦，你哋自己食埋佢啦，最后个伙记送咗碗白饭俾我，但系餐饭我已经一肚气食唔落。好味道嘅话我一定会再帮衬，但系你要用呢啲手段去揾钱，我对富来嘅名誉失晒信心......喺跑马地我以后都唔会再帮衬富来！