生原創(蛋包飯) (已結業)

一入去个侍应已经当我地透明，算，系出面餐牌见到小食可以拣，但个侍应无俾我地拣，个侍应完全系懒得出声咁，我地仲以为佢唔舒服，之后我地就加28蚊嗌左个饺子，点知同我地讲无四只，得三只加返粒咖喱角得唔得，咁都算喇，ok喇，之后最嬲个part嚟喇，我地为左流心蛋包饭嚟嘅，结果上到两碟都系普通蛋包饭，个侍应仲要放低就即刻走，我地问返佢，佢话厨房整唔到流心之后又9秒9走左，我地再嗌返佢返嚟佢话部机整唔到啱啱先知，吓流心蛋要用机整㗎咩？同埋应该系你知嘅时候就讲唔系你明知整唔到唔出声就整左两碟唔系我想要嘅嘢出嚟迫我地要，最离谱系隔离枱嚟左新客人，另一个侍应俾左三个choices小食佢拣，其中一个就系饺子，即系同我地落单个侍应无俾我地拣搞到我地加左钱另外嗌，极差，仲要一啲歉意都无，个态度系我整左出嚟你就要要，最后佢offer左85折，离谱到咁85折其实已经完全弥补唔到，其实好想走人但唔想浪费食物食到一肚气都食埋佢，味道嚟正常，但鳗鱼得几粒，75蚊一碟完全唔值，个饺子都好差，又硬又无料，个迷你咖哩角完全唔想掂。我地怀疑系个侍应落漏单厨房唔肯整过所以先作个藉口话整唔到，个侍应由头到尾都无讲过一句唔好意思，嬲