影片
更多
2015-09-02
486 浏览
其实大家如果唔系打算去俾人呼喝又或者系受气嘅, 就无谓去呢间嘢度, 坐响一个又热又焗嘅一尺乘一尺嘅位, 食一碗浪费你食嘢quota嘅米线. 去到，有位，不过未执嘢，唔比坐底，系都要你出返门外面等。(好, 明白, 地方细, 阻住你传菜又大家都危险, 好, 我出去. 但有一堆人等, 好唔好问一吓先后次序, 之后再安排入座呢?) 执好枱, 有人迟来先上岸, 讲俾伙记大佬知边个到先, 仲要俾伙记大佬好霸气咁截住话: 我安排紧! 食物到嘅时候问系会大声喝问系嘅边个叫嘅. 刚才身旁食客因为伙记大姐查单再问先接收饮品, 就被盘问点解头先攞嚟你唔应... 服务如此出色, 可能食物质素可以弥补呢~~ 不过两秒后我知道我太天真太傻. 点咗一碗招牌猪扒四川薯粉, 大辣. 叫走葱例牌唔走.... 而且碗面个汤底系冇味嘅，好似一碗白滚水上面飘浮住啲辣油，将"水沟油"嘅状态淋漓尽致咁示范咗一次. 啲应该爽口弹牙嘅薯粉佢可以系淋嘅，一夹就断, 而且全碗粉都碎碎, 断开一截截, 好明显煮得太耐. 唯一件猪扒叫做正路啲, 都有两件, 分量正常. 不过都系俾松肉粉杀死咗嘅肉质同埋食完劲口渴嘅... 今餐应该系鬼揞眼先会去
去到，有位，不过未执嘢，唔比坐底，系都要你出返门外面等。(好, 明白, 地方细, 阻住你传菜又大家都危险, 好, 我出去. 但有一堆人等, 好唔好问一吓先后次序, 之后再安排入座呢?)
执好枱, 有人迟来先上岸, 讲俾伙记大佬知边个到先, 仲要俾伙记大佬好霸气咁截住话: 我安排紧!
食物到嘅时候问系会大声喝问系嘅边个叫嘅. 刚才身旁食客因为伙记大姐查单再问先接收饮品, 就被盘问点解头先攞嚟你唔应...
服务如此出色, 可能食物质素可以弥补呢~~ 不过两秒后我知道我太天真太傻. 点咗一碗招牌猪扒四川薯粉, 大辣. 叫走葱例牌唔走.... 而且碗面个汤底系冇味嘅，好似一碗白滚水上面飘浮住啲辣油，将"水沟油"嘅状态淋漓尽致咁示范咗一次. 啲应该爽口弹牙嘅薯粉佢可以系淋嘅，一夹就断, 而且全碗粉都碎碎, 断开一截截, 好明显煮得太耐. 唯一件猪扒叫做正路啲, 都有两件, 分量正常. 不过都系俾松肉粉杀死咗嘅肉质同埋食完劲口渴嘅...
今餐应该系鬼揞眼先会去咗食...
张贴