影片
更多
2018-06-01
1124 浏览
听莲香楼听过无数次，食就第一次食1点几去到 都算几full 好彩唔洗等位环境好古色古香好怀旧既感觉，游客应该会好钟意，天花挂左d假既雀笼一坐低就问我地饮咩茶 睇睇下原来茶位要$13，好贵场内有几个婆婆推车仔，每架车都系唔同野食，问佢有咩佢唔答人，要自己打开d笼逐个黎睇，所以好多人都系食完一两笼就会坐系度等佢下一轮，每次系厨房出黎，就一堆人冲埋去拎野食一开始拎左个叉烧包，烧腩卷同猪手，叉烧包冇特别，猪手块皮好多毛好呕心，烧腩卷系今餐最正常既野食之后拎左碟好似肠粉既物体，入面包左虾呀肉呀，但个粉皮又厚又硬，一夹就甩晒d馅出黎，干争争，食完一旧都觉得自己好劲男朋友唔饱再拎左凤爪同牛肉球，凤爪冇咩味，又干，系我食过最难食既凤爪，食牛肉球要喼汁，问个婆婆拎，佢完美地无视我，问佢车上面有咩食，又ignore我，呢刻已经好火过左阵想拎虾饺，点知个婆婆比晒其他人，就系唔比我，我话咁要烧卖啦，有人过黎佢又比左其他人，然后同我讲冇烧卖喇去到呢个时候已经唔太想食...净系想快d走过左15分钟，终于有虾饺烧卖，但睇个卖相都见到伏啦，个皮烂晒，又厚伙记过黎加茶又整湿我只脚2次究竟系我唔好彩定点，边个话莲香楼好食
1点几去到 都算几full 好彩唔洗等位
环境好古色古香好怀旧既感觉，游客应该会好钟意，天花挂左d假既雀笼
一坐低就问我地饮咩茶 睇睇下原来茶位要$13，好贵
场内有几个婆婆推车仔，每架车都系唔同野食，问佢有咩佢唔答人，要自己打开d笼逐个黎睇，所以好多人都系食完一两笼就会坐系度等佢下一轮，每次系厨房出黎，就一堆人冲埋去拎野食
一开始拎左个叉烧包，烧腩卷同猪手，叉烧包冇特别，猪手块皮好多毛好呕心，烧腩卷系今餐最正常既野食
之后拎左碟好似肠粉既物体，入面包左虾呀肉呀，但个粉皮又厚又硬，一夹就甩晒d馅出黎，干争争，食完一旧都觉得自己好劲
男朋友唔饱再拎左凤爪同牛肉球，凤爪冇咩味，又干，系我食过最难食既凤爪，食牛肉球要喼汁，问个婆婆拎，佢完美地无视我，问佢车上面有咩食，又ignore我，呢刻已经好火
过左阵想拎虾饺，点知个婆婆比晒其他人，就系唔比我，我话咁要烧卖啦，有人过黎佢又比左其他人，然后同我讲冇烧卖喇去到呢个时候已经唔太想食...净系想快d走
过左15分钟，终于有虾饺烧卖，但睇个卖相都见到伏啦，个皮烂晒，又厚
伙记过黎加茶又整湿我只脚2次究竟系我唔好彩定点，边个话莲香楼好食架！伏中之伏，食一次都嫌多！唔怪得身边既人食完都话冇咩特别，我又唔信走去试
最后睇埋个餐牌更加觉得唔应该黎食，又贵又难食又冇服务，未试过食野食到咁
唔怪得隔离两个大陆人食左3样野就滚水绿脚咁走
完
张贴
