花園餐廳 (已結業)

宵夜时份，3个女仔打算食个宵夜，喺旺角打算入间坐得舒服嘅餐厅，就去咗历史悠久嘅「花园餐厅」，真系估唔到可以令我咁难忘！我地入座后就好正常地点餐，因为系宵夜，都唔想食太多，以免顶住个胃瞓唔到，所以3个人叫咗2个餐，个男侍应都唔知有心定无意，问咗我两次︰「您地叫2个餐咋？」，我地女仔食呢个份量嘅宵夜，我觉得好正常啰！我唔明点解佢要嫌弃我啰！餐汤同餐包都好正常吞拿鱼火腿焗意粉都正常！呢个扒就出哂事喇！外面睇上去都好地地！我地落order时要5成熟，出到嚟生到根本食唔到，我地揾个侍应嚟反映，佢竟然话︰「您地叫生d架嘛！」，我咪同佢理论啰！「我地要嘅系5成熟，根据您公司标准，呢个系咪5成熟？」，佢先死地地话︰「呢个大概2-3成喇！」，我咪叫佢换过啰！出到嚟，咪又系刚刚果件牛，d汁干哂！又over cooked，真心觉得唔想比钱啰！食到一肚气！激死我喇！之前仲要叫咗热饮，又嬲又庆呀！