稻香 (新九龍廣場) (已結業)

今日一早同男朋友想饮茶，见到有稻香，谂住应该好过隔离间酒楼，起码集团经营。点知中伏！ 我同男朋友2个人， 点左6个点心，由十一点9入座， 到十二点九，一壶茶首先要等10分钟，再等多10分钟嚟咗一碟冻咗嘅肠粉，再等15分钟，黎左一笼粉果， 一碟辣椒酱要追15分钟 ， 跟住前后等咗一个钟，其他嘢都冇嚟到 ，追楼面姐姐净系叫你等， 话出左一样食物，就唔会漏单，叫我地再等, 系咪出齐6个点心，要3个钟？ 最后嬲嬲哋埋单走咗。 去到收银，扣晒单，仲要找少钱，唔提佢都唔找返啱食物质素又差，服务又差，以后都唔会再帮衬稻香集团。