雲海滙

营业中

休息中

早几日约咗班friend去食呢间海达邨云海汇，见佢乳鸭好似几抵食咁。点知，一入门口就俾知客呼呼喝喝，仲将张「攞位飞」扔俾我。入到去坐低，等咗10分钟都未有碗碟、点心纸，仲将普洱开错咗香片。我系点心纸剔咗9款点心，竟然有4款点心无货，侍应十分串嘴话我哋写得唔清晰，要将每款点心圈起来佢先睇到，仲话「漏咗唔关我事！」食物质素好一般，乳鸭好瘦、无肉食。我哋嗌咗既腩仔饭等咗45分钟都未到，然后催单，待应答我「烧紧」，再等多45分钟后再催单，另一个侍应好恶咁话卖晒，又话厨房落场无其他嘢嗌。呢间嘢d服务真系超差，约friend、宴会唔好泥，你肯定会一肚气。