為食雞私房工場

营业中

休息中

早几日上嚟程班长食午餐，系电梯口见到呢间为食鸡私房工场嘅易拉架，今日就谂住上嚟试一试佢，12点嚟到得我哋一台，点咗海南鸡饭同埋小食炸鱼片头。唔使5分钟D野食就送到，一嚟到比个油饭嘅颜色吓亲，唔知以为我叫咗炒饭底。试一试味先，只鸡几好，肉质滑同鲜嫩，油饭就真系唔够香，非常普通，海南鸡个酱汁可以话系灵魂所在，甜豉油OK啦，辣椒姜蓉汁就真系麻麻，完全冇辣味，唔可以讲得上系传统嘅好酱汁。炸鱼片头反而有D惊喜，爽口弹牙，一流嘅货色！另加酱汁每碟要＄3，未免小家咗少少。注意呢度嘅抽风系统真系唔掂，食完一餐饭成身都系油烟味，真喺衰过去食完烧肉，成件衬衫都一阵味 。讲真如果唔系只鸡同炸鱼片头几好食，真系会比个喊面。埋单＄74讲真唔算平，呢个价钱呢区有大把选择，至少如果个日著靓少少应该都唔会再嚟。