富來餐廳小廚 (已結業)

大大话话小弟住屯门都住左二十年，富来亦由细食到大，系度食，食物不会系最精致，但同高级餐厅一样，食既环境都好重要🤣。同老豆两个人食晚饭，不禁就拣左对面富来餐厅，一个𩠌68蚊，见左三个。芥兰炒腊肠-芥兰都带甜，可以再煮淋小小，腊肠无咩好评价。豆豉鲮鱼唐蒿-菜多鱼小，不过啲蒜头几好，菜刚刚好淋度。京都骨-好食好开胃，送饭一流，谂落呢个最掋食，肉尚算多☺️好普通既一餐同好普通既餐厅，却不经不觉食左二十年。食既时候见到由细睇我睇到大既伙记做得好开心，成班有倾有讲。舖内装潢依旧无变，碗碟碗筷还用旧式既餐厅香港亦开始买少见少，希望自己同香港人好好珍惜😭😭