影片
更多
2021-03-22
642 浏览
一年前食过觉得麻麻，但今日因为冬荫牛牛满座、乐都冰室装紧修、农情味星期一唔开，又见呢度转左menu好似唔错，所以又俾多次机会佢。两个人加一个坐住bb车嘅9个月bb，被安排坐喺室外一张二人台，位置几阔络，可惜坐低落order后，附近几枱就陆陆续续开始吸烟，唔系叫左野食真系想即走，但order左惟有要求转坐室内位。一个似系老板嘅人安排左一张近门口嘅三人枱俾我地，一坐低佢就嫌我架bb车阻住，问我bb可唔可以坐櫈，但系冇bb櫈提供，试问一个9个月bb点坐到喺一张大人櫈？我bb系细粒嘅，点睇都唔会过一岁，佢咁样要求我地有少少呆左，不过只系礼貌话佢未坐到大人櫈，会尽量将架车放埋d。当时附近嘅枱都未有客嘅。。。之后疑似老板每次行过都会望住我架车，可能系担心撞到啦，但𠮶种注目礼令人感觉麻麻。食物冇咩大问题，系份量较孤寒，黑松露蟹肉露荀菠菜阔面只得三条约3cm长嘅露荀，蟹肉大约有奶茶匙仔1/3匙，我食量中等，都要饮埋杯野先够饱，饮品百香果茶都系普通糖浆开嘅饮品，不过不失。另一个叫左软壳蟹南瓜意大利饭，个阔面食完后先上，相信系需要炸蟹，因为下段嘅原因，5分钟食完，都唔记得咩味。食到一半大量（真系极浓烈）烟
两个人加一个坐住bb车嘅9个月bb，被安排坐喺室外一张二人台，位置几阔络，可惜坐低落order后，附近几枱就陆陆续续开始吸烟，唔系叫左野食真系想即走，但order左惟有要求转坐室内位。
一个似系老板嘅人安排左一张近门口嘅三人枱俾我地，一坐低佢就嫌我架bb车阻住，问我bb可唔可以坐櫈，但系冇bb櫈提供，试问一个9个月bb点坐到喺一张大人櫈？我bb系细粒嘅，点睇都唔会过一岁，佢咁样要求我地有少少呆左，不过只系礼貌话佢未坐到大人櫈，会尽量将架车放埋d。当时附近嘅枱都未有客嘅。。。之后疑似老板每次行过都会望住我架车，可能系担心撞到啦，但𠮶种注目礼令人感觉麻麻。
食物冇咩大问题，系份量较孤寒，黑松露蟹肉露荀菠菜阔面只得三条约3cm长嘅露荀，蟹肉大约有奶茶匙仔1/3匙，我食量中等，都要饮埋杯野先够饱，饮品百香果茶都系普通糖浆开嘅饮品，不过不失。另一个叫左软壳蟹南瓜意大利饭，个阔面食完后先上，相信系需要炸蟹，因为下段嘅原因，5分钟食完，都唔记得咩味。
食到一半大量（真系极浓烈）烟味由室外攻入室内，我地两个大人开始咳同喉咙干，职员见到都冇咩行动，可能都惯咗系咁，惟有自己快手快脚走人。总括嚟讲，呢次机会唔应该俾，亦都冇下次。
张贴