曼谷泰菜 (新都會廣場) (已結業)

有时候去食饭，发现餐牌上面想要嘅食物都冇，真系令到你好火滚！放工去葵芳同老婆食饭，就去食呢间顶楼嘅泰国菜，除咗冇人排队，就系因为佢OpenRice嘅评价唔错！结果真系好嬲！想食海南鸡，佢话啲海南鸡唔靓所以冇得食，想食杂菜煲，佢话卖晒！杂菜煲都买晒？真心佩服！结果我哋知叫咗个生虾刺身、泰式鸭粉丝煲及泰式炒饭！呢个餐下次生虾刺身，超级无敌辣！我同老婆都算食得辣，食完要问佢拎杯冰水，仲要等左好耐先有杯冰水，辣到我哋食其他食物都无味！如果佢嘅味道不变，欢迎各位喜欢挑战食辣嘅去食，本人无福消受！呢个粉丝煲，鸭好似冇切，一大旧一大旧咁上！仲有劲多姜丝！鸭好老，好差！呢个炒饭，同茶餐厅食到嘅蛋炒饭有咩分别啊？咁嘅质素收＄276我都嫌比得多！