鼎王麻辣鍋 (金巴利道) (已結業)

鼎王系台湾好出名，但就好难Book位～而家尖沙咀开左鼎王，紧系要即刻试番下～呢到只有2种锅可以拣（麻辣锅 + 酸菜白肉锅），想咩都食就紧系要叫鸳煮锅！2边都可以各有4种 酸度同辣度，之后仲可以慢慢加唔同嘅酸辣度，好贴心～90分钟入面，麻辣锅可以任加豆腐鸭血，而酸菜锅都可以任加酸菜～唔怪得⭐锅底系每人收费$78，但都理解，因为真系好食～豆腐鸭血都超入麻辣味，越食越过隐！而且每件都系台湾直送，而且切件都非常厚，只系食呢d其实都饱左一半！至于酸菜白肉锅嘅酸菜系切成一条条幼条状，令唔钟意食酸菜嘅朋友都觉得正～另外仲order 左：⭐台湾直送老油条 $68就算浸左1分钟之后再入口都依然系咁脆口，10级推介！⭐招牌手工三色滑（虾滑、蟹滑、摇柱滑）$158摇柱滑系第一次食，一丝丝摇柱丝好有口感！⭐综合饺 $108香滑蛋饺6只、鱼皮饺6只⭐牛拼盘（4人份）$488牛嘅质素非常好，超新鲜，特别系手切黄喉，超爽口！想试下唔同牛的种类就岩晒！