燒蝦蝦 (興泰大廈) (已結業)

妈咪去完泰国之后就好中意食大头虾，知道呢间有任食既流水虾，真系唔可以唔试呀，呢度7:30后都只系$368一位，好多野任食，抵呀！流水虾系呢度一定任食既野食，好正，好新鲜又大只，只只都游住水等我地夹，拎到上黎烧完又多膏又弹牙，简直同系泰国食既一样呀(^L^)呢度另外好震撼眼球既就系任食既海鲜，一张长枱咩款都有，蚬都已经有沙白同大蚬，仲有青口，鲍鱼，花螺，扇贝呢啲，我食得最多就系佢地既扇贝，可以加啲蒜蓉落去一齐烧，大大只好鲜甜好爽口，真系劲正啰，食到好满足呀o(≧v≦)o而且呢度仲有任饮既生啤，系连1664都有，真系好抵好爽，酒鬼一定要黎呀！