漁獲浜燒 (已結業)

一直都好鍾意銅鑼灣嘅漁獲浜燒。我朋友都話尖沙咀都開咗一間新嘅，為咗之後唔洗同人迫，決定年三十晚喺嗰度食團年飯。六點就上到黎，新裝修非常新淨，環境好好，仲有三間包房。今日嘅推介係赤鯥刺身。呢隻魚既刺身比較少有，我本身都中意赤色魚皮既魚，加上新春當然都係選擇紅色，希望能取得好意頭！赤鯥魚份量剛好四人用。鮮魚骨做既魚湯，唔使講，鮮味十足！日本清酒係浜燒絶配好拍檔！味噌蟹甲羅燒呢個係我必食嘅菜式。本人非常鍾意食蟹膏。店員細心咁混蛋即燒，一邊燒，一邊同混合蟹膏，令蟹膏口感更上一層樓。無論當多士食，定直接食都一流！特上漁獲浜燒盛合 四人前包括白蜆 ，響螺 ，榮螺 ，北寄貝，活帆立貝 ，魷魚等。全部都係活生生即燒，原味無添加係我覺得最正的。浜燒會用清酒煮，有時會用自家製牛油燒，做法可以自己揀，但係我全部交俾店員話事，因為會好期待嗰種驚喜和滋味。活龍蝦浜燒睇到都知和味。活龍蝦加大量蝦膏，又係一個天意衣無縫既絶對。你睇到果堆滿滿嘅龍蝦膏，口水都流埋。白鱔浜燒呢渡既白鱔燒得脆口，不妨試試！柚子雪糕最後黎一個柚子雪糕，完美句號！