傷心酸辣粉 (裕景坊)

营业中

休息中

有时闷闷地都想食啲辣野刺激下，就系果种越食越辣，辣到漂哂眼泪流哂鼻涕既情况先过瘾，伤心酸辣粉呢个名改得够哂写实，真系一路食就一路咁伤心。原来佢有个2人餐$118蚊有2碗粉，3个小食，都几抵食下，碗粉超大碗，到最后都食唔哂。食佢个粉之余，配料我都好喜爱，花生炸菜都好重要。今次点了小辣，又酸又麻又辣，食完好醒神，好似将啲唔开心既事跟住啲鼻涕呻哂出泥，爽呀！夫妻肺片叫左小辣都好似好辣下，入哂味之余食完都唔会感到好咸，口质爽脆。正正麻辣肚丝，够爽口，夹埋青瓜丝一齐食，感觉好清爽，又好咬口。食到最后已麻到无乜感觉，当然最好点番碟凉拌青瓜中和一下辣性，先可以揾番小小味觉。后记: 好欣赏每款小食都会有青瓜丝同埋花生跟埋，要咁既搭配先够完美。