Caligari

营业中

休息中

呢间日式咖喱餐厅开咗都一段时间，之前book mark咗，所以今次同同事去试吓。餐厅环境其实唔大，不过真系非常非常之嘈，仲嘈过喺茶楼𠮶度，真系左右隔离讲乜都听晒。我哋分别叫咗两款唔同嘅咖喱🍛，分别有: 椰汁咖喱吉列猪扒, 特级香料咖喱和牛可乐饼饭椰汁咖喱吉列猪扒饭咖喱非常之浓郁，食落去好咸，吉列猪扒炸得好油，炸嘅方式应该系去到最后冇高温必啲油出嚟，所以成块真系油淋淋。我个人都几大食，但系食咗三份二已经顶唔顺，好滞好油。特级香料咖喱和牛可乐饼饭同上面一样，呢个仲要再咸过椰汁咖喱，可乐饼味道其实很不错，但都系一样炸得太油，配菜食落都太咸。呢间可能唔系太啱我哋香港人口味。呢一间真系唔太推荐，除非你10分喜欢好浓郁嘅咖喱。如果餐厅可以调一调个味道，符合返我哋香港人口味嘅话应该会好好多。