Sodam Chicken (已結業)

系openrice 见到啲食评唔错就book位试吓，有75折。去到见到menu 75折系单叫，大约$200 一碟十件，而放题要正价$128一位。两个人放题好似抵啲，又可以试多啲唔同味。一坐低叫左每款1-2件炸鸡，大约10分钟后上菜。店员服务良好，会介绍每款鸡系咩味。上碟好细心咁将每只味分开，望落好吸引，味道款式多。食完觉得柚子味最好食、柚子既清新可以减少炸鸡既油腻。咸蛋有少少柞，比较「鞋」口。今日既期间限定有大板烧味同咖哩味。我自己就比较推介大板烧味。而炸鸡食落冇咩肉汁，炸皮及炸粉多，超级热气。食完第二件，口既上颚已经损左。每款既鸡都系一样味，只系外层加上唔同味既粉/酱，比较单调。食到一半觉得太油腻，于是每人加$20试埋啲焗鸡同小食。食完油腻既炸鸡，食到沙律感觉清新。腌海蜇有惊喜，爽口得黎开胃。紫菜薯条比较林，不过尚可接受。饮品买一送一，叫左蜜桃特饮及提子特饮。大大杯，味道一般，加一条appolo 既雪条增色不少。整体黎讲，服务良好，食物麻麻地，价钱方面唔算抵食。