萬發海鮮火鍋菜館

营业中

休息中

㖊晚约左几个朋友黎呢度食饭团拜, 呢两个月已食咗呢间三次, 虽然位置隔涉左少少, 太子站行去15分钟左右, 但贪佢订左位唔洗等, 座位空间尚算舒适, 啲野食又几好味! 之前两次都系打边炉, 今次就净系食小菜:椒盐濑尿虾 – 叫咗三只斩件椒盐, 啲肉好肥美香口! Yummy Yummy!蒸鲍鱼 - $48只, 都几大只, 都算鲜甜, 但有少少韧……胡椒猪肚鸡 – 系佢地招牌菜之一, 第一次食呢个菜, 个猪肚里面包住只鸡, 几得意, 上嘅时候会用个炉即时煲住黎食, 汤同猪肚都好好味, 不过胡椒味多啲就更正!半只乳猪 – 肥廋适中, 啲皮脆卜卜!仲有叫其他几个小菜, 埋单 ~250 一位, 最后饱到食唔哂, 要打包走。