泰筏味泰國船河專門店 (已結業)

喺泰国食嘢，成日可以食到成枱都系。原因系拒嘅嘢又平又好味。估唔到香港都可以做到呢个盛况。一嚟到见拒餐牌上午市的汤河45蚊一碗，之后隔离写住15蚊。我地即刻谂，15蚊？45再加15蚊炸挂？问一问，原来真系15蚊，老板话泰国嘅船河本身就系细细碗，呢到系贯彻泰国嘅作风，当然亦有招来嘅因素。汤底颜色系深啡色，系正宗船河的颜色。味道亦正宗，特制汤底再加上小许香料香。粉面有几种不同的类型选择，由泰国常客金边粉至新创意绿茶面都有。还有我最喜欢嘅河粉，泰国嘅呢种河粉系比较厚身，阔，短身。我喜爱拒嘅口感烟韧，而又似河粉味。配料种类可以用好多嚟型容，有牛杂，牛腩，猪杂，猪颈肉等等。幸好呢到嘅份量细，所以我可以叫几碗唔同的配料，试多几样嘢，一个人食都唔怕。除左汤河之外，呢到仲有传统嘅小食，泰式生虾，虾饼，鱼饼等等。质素都确实不错，特别系呢个泰式生虾，味道鲜，还配上泰式的酱料。店舖系以自助嘅形式购买嘅，先买单，后取食品。今日我一个人就食左3碗，再加d其他嘅小食，甜品，份量刚好。