影片
更多
2023-07-05
236 浏览
港岛人满心欢喜过黎食沙嗲牛，点知食到一肚气😩系OpenRice 揾到依间好似唔错既沙嗲牛，劲期待咁十一点一开门就到，排队入去试。我地一行五个人，一入到去个呀姐就话”5个人无位坐播”。我心谂，姐系点？系米叫我地走唔好食啦？一场嚟到谂住逼啲都照坐，两个大人加一个小朋友坐一行啦，呀姐都话okay！咁就坐定定睇餐牌，点知坐唔够五分钟，另外一个阿姐就话我哋做咩阻住哂，其实我唔会知道边个位会阻住你哋上餐，我又唔系喺度做！而且我坐之前系有问过你哋咖嘛，真系神又系你鬼又系你。未去到点餐，已经成肚气😡望到张纸就更一头雾水，又唔知点填好，咪逐只字写落点餐纸度。我都举下例子: 沙嗲牛肉汤面黑椒牛脷捞面沙嗲牛肉捞面点饮品嘅选项得汽水/维他柠檬茶我自己就写:可乐 x 2维他柠檬茶 x1写好就俾张纸俾阿姐啦，佢一接上手睇都未睇，就话我咁写有问题，阻住佢做生意。下？okay ! 我体谅你唔识字。咁我就唯有喺上面就咁✅希望佢会明。今次佢拎起张纸，又问我你咁识即系叫咩？咁即系你叫咗咩？？我地逐只字写又话唔识睇，我✅你又话唔识睇，其实我都好难做㖞，不如真系修订下张点餐纸啦🙄依餐饭真系未食已经饱哂。最后等咗20分钟，我好期
我地一行五个人，一入到去个呀姐就话”5个人无位坐播”。我心谂，姐系点？系米叫我地走唔好食啦？一场嚟到谂住逼啲都照坐，两个大人加一个小朋友坐一行啦，呀姐都话okay！咁就坐定定睇餐牌，点知坐唔够五分钟，另外一个阿姐就话我哋做咩阻住哂，其实我唔会知道边个位会阻住你哋上餐，我又唔系喺度做！而且我坐之前系有问过你哋咖嘛，真系神又系你鬼又系你。
未去到点餐，已经成肚气😡
望到张纸就更一头雾水，又唔知点填好，咪逐只字写落点餐纸度。
我都举下例子:
沙嗲牛肉汤面
黑椒牛脷捞面
沙嗲牛肉捞面
点饮品嘅选项得汽水/维他柠檬茶
我自己就写:
可乐 x 2
维他柠檬茶 x1
写好就俾张纸俾阿姐啦，佢一接上手睇都未睇，
就话我咁写有问题，阻住佢做生意。
下？okay ! 我体谅你唔识字。
咁我就唯有喺上面就咁✅
希望佢会明。
今次佢拎起张纸，又问我你咁识即系叫咩？
咁即系你叫咗咩？？
我地逐只字写又话唔识睇，我✅你又话唔识睇，其实我都好难做㖞，不如真系修订下张点餐纸啦🙄
依餐饭真系未食已经饱哂。
最后等咗20分钟，我好期待嘅沙嗲牛肉面终于到喇。哗😳沙嗲系完全冇花生碎，或者花生嘅味道，我估买李x记沙嗲酱都好食过佢，个面都预左唔会系出前一丁，只系冇谂过个公仔面，仲系成饼嘢咁就出比客，牛肉同牛舌，其实只系纯粹放落个汤度煮熟，冇经过任何加工调味亦冇特别煎过。
满心期待嘅一餐沙嗲牛肉，又唔好食，又要食到成肚气，真系行去全x小店食仲好，茶餐厅啲职员都好礼貌过佢。如果大家系想俾人冇礼貌对待，记住要去依间餐厅试下😂
张贴
