影片
更多
2023-07-18
880 浏览
今日专登入左沙田成班fd食饭，食到一肚气🤬朋友喺OpenRice订左枱，喺门口同女侍应讲book左枱，已经慢吞吞，对讲机都未开咁游魂，几经辛苦入到去，微辣将坐低左嘅人搬走俾张5人枱我地，book左枱你唔系应该一早安排好嘅咩？真系有人先reallocate，安排失当！坐低一阵就已经催落单不停强调90分钟交枱，但叫乜无乜，系咁意先落左3个𩠌（陈皮鱼饼、小炒王同猪大肠），其他朋友坐低左15分钟，先上咗一个猪大肠，点知个猪大肠入面有汁，侍应剪嘅时候，又唔通知一下，佢就咁样剪剪到成枱都系汁，唔好意思都唔讲声。喺上猪大肠之前再落左2个𩠌（窝蛋牛肉饭同粉丝什菜煲），呢两个后尾叫嘅𩠌仲早过我15分钟之前叫嘅两个𩠌，都算喇，食完窝蛋牛肉饭同粉丝什菜煲，再坐左15分钟唔对路，催返原本未到嘅陈皮鱼饼、小炒王，再落左单叫咖喱牛筋腩煲，咪走鸡同凉拌莲藕片，隔左10分钟竟然系见到咪走鸡同凉拌莲藕片上菜先😨都再算喇，再催先见到陈皮鱼饼同小炒王上菜😨😨临近佢哋闩门，叫我哋埋单，我哋话咗个咖喱牛筋腩煲未到，其实你未到，我地都话cut咗算数啰，又话帮我check check cut单好好好，条友到最后喺个出菜位度等咗好耐
朋友喺OpenRice订左枱，喺门口同女侍应讲book左枱，已经慢吞吞，对讲机都未开咁游魂，几经辛苦入到去，微辣将坐低左嘅人搬走俾张5人枱我地，book左枱你唔系应该一早安排好嘅咩？真系有人先reallocate，安排失当！
坐低一阵就已经催落单不停强调90分钟交枱，但叫乜无乜，系咁意先落左3个𩠌（陈皮鱼饼、小炒王同猪大肠），其他朋友坐低左15分钟，先上咗一个猪大肠，点知个猪大肠入面有汁，侍应剪嘅时候，又唔通知一下，佢就咁样剪剪到成枱都系汁，唔好意思都唔讲声。
喺上猪大肠之前再落左2个𩠌（窝蛋牛肉饭同粉丝什菜煲），呢两个后尾叫嘅𩠌仲早过我15分钟之前叫嘅两个𩠌，都算喇，食完窝蛋牛肉饭同粉丝什菜煲，再坐左15分钟唔对路，催返原本未到嘅陈皮鱼饼、小炒王，再落左单叫咖喱牛筋腩煲，咪走鸡同凉拌莲藕片，隔左10分钟竟然系见到咪走鸡同凉拌莲藕片上菜先😨都再算喇，再催先见到陈皮鱼饼同小炒王上菜😨😨
临近佢哋闩门，叫我哋埋单，我哋话咗个咖喱牛筋腩煲未到，其实你未到，我地都话cut咗算数啰，又话帮我check check cut单好好好，条友到最后喺个出菜位度等咗好耐，个咖喱牛筋腩煲终于上到，仲同我讲睇热😤 哗🤯真系好热呀，啱啱临时临急煮起梗系热啦，薯仔又唔熟，啲牛腩仲靭过乜咁，只系好过食垃圾啰😡
总括而言，啲侍应又唔想做，又要催人哋落单，明明自己漏晒单，又扮晒嘢，尤其是𠮶个经理，死催烂催提人哋90分钟，我哋好配合叫晒野你唔黎，但搞咁多野就系为左9点前赶晒啲客走，真系无下次，食到成肚火。
10 浏览
1 赞好
0 留言
张贴
