影片
更多
2022-03-27
192 浏览
好少食饭食到成肚火。之前帮衬过胜兴几次，试佢推车仔啲点心。收价偏高，又唔算特别好味，所以之后都好少考虑。有次赶船，见胜兴有盅头饭，谂住系茶楼即叫即有𠮶款，所以又帮衬返。我随便叫咗午市嘅蒸鲩鱼套餐，点知原来佢即叫即蒸，要等三至四个字，剩返十分钟畀我食饭。当时的确唔多高兴，又食得狼狈。十分钟内要食油菜、饮汤、食饭同食鱼，重有茶，点谂都唔会系舒服体验。最尾为咗赶船都系食唔晒，要畀多一蚊买外卖盒，自行打包。不过意外发现鱼肉鲜嫩饱满，汤都好足料，所以盘算下次再来慢慢享受鲩鱼餐。点知𠮶狼狈嘅十分钟就已经系全剧高潮。之后每次路过都问下有无鲩鱼餐，问咗两星期都无，话无入货。的确好可惜，咁无我咪食第二间咯。好啦，有次问定知道终于入货，就度定两日后即今日去食。下昼一点带家人一齐去，同阿姐点咗两份鲩鱼餐。阿姐话卖晒完整的鱼，剩返鱼头同碎嘅鱼腩肉，问我要唔要。我等咗咁耐，虽然心有不甘，但既然坐低咗，觉得有鱼腩肉都好丫。好啦，又等多三个字。奇怪点解佢只上一碟油菜，明明点咗两份餐。同阿姐讲，先知佢只系帮我哋落咗一份。系咪低能㗎？讲咗咁多句嘢都可以听错？跟住问返清楚先知厨房嘅料唔够出两份，只系出到一份。所以我哋迫住
之前帮衬过胜兴几次，试佢推车仔啲点心。收价偏高，又唔算特别好味，所以之后都好少考虑。
有次赶船，见胜兴有盅头饭，谂住系茶楼即叫即有𠮶款，所以又帮衬返。我随便叫咗午市嘅蒸鲩鱼套餐，点知原来佢即叫即蒸，要等三至四个字，剩返十分钟畀我食饭。当时的确唔多高兴，又食得狼狈。十分钟内要食油菜、饮汤、食饭同食鱼，重有茶，点谂都唔会系舒服体验。最尾为咗赶船都系食唔晒，要畀多一蚊买外卖盒，自行打包。不过意外发现鱼肉鲜嫩饱满，汤都好足料，所以盘算下次再来慢慢享受鲩鱼餐。
点知𠮶狼狈嘅十分钟就已经系全剧高潮。
之后每次路过都问下有无鲩鱼餐，问咗两星期都无，话无入货。的确好可惜，咁无我咪食第二间咯。好啦，有次问定知道终于入货，就度定两日后即今日去食。下昼一点带家人一齐去，同阿姐点咗两份鲩鱼餐。阿姐话卖晒完整的鱼，剩返鱼头同碎嘅鱼腩肉，问我要唔要。我等咗咁耐，虽然心有不甘，但既然坐低咗，觉得有鱼腩肉都好丫。好啦，又等多三个字。奇怪点解佢只上一碟油菜，明明点咗两份餐。同阿姐讲，先知佢只系帮我哋落咗一份。系咪低能㗎？讲咗咁多句嘢都可以听错？跟住问返清楚先知厨房嘅料唔够出两份，只系出到一份。所以我哋迫住转咗碟肉饼饭套餐。阿姐话要蒸十三分钟，我哋只能无奈接受，唯有食住鲩鱼等咯。
好啦，千呼万唤终于等到一碟综鱼喇。你老尾，又话有鱼腩碎嘅？碟上得四副鱼嘴㖞。我哋都好肚饿，唔高兴都要马上郁手。因为面头舖咗层梅菜，谂住下层可能收埋咗啲肉呢？一旧，两旧，三旧，食晒四副鱼嘴，原来真系得鱼嘴，乜腩都无。大佬一个套餐收我六十蚊，结果等三个字食一碟无肉嘅鱼嘴？认真咩？同埋佢嘅例汤送完即止，当时下昼一点，已经无上任何例汤。我食到中途揾极都揾唔到肉，块面已经黑过旧炭。最后上埋肉饼，普通，重要细碟。正常我系唔会畀六十蚊食肉饼蒸饭咯。肉块入面有马蹄，家人因为唔食马蹄，结果成餐几乎只系食咗啲饭，之后成个下昼都嗌肚饿。
畀钱𠮶吓，忍唔住问咗阿姐波。落错单要人白等，以为有两份点知得一份，话有鱼腩肉点知得四副鱼嘴，咁样就收人百二蚊，认真咩？好心厨房见唔够料就咪出餐畀人啦，你呃紧人食你啲厨余呀。其中一个阿姐觉得唔好意思，话下次再去佢畀返多啲我，但我估无下次喇。食餐饭都系希望心满意足啫？食到咁失望又成肚火，我就唔想再搏啦。
张贴