影片
2017-09-18
1194 浏览
今晚中学同学难得聚会，10个老同学加埋超过500岁去近宋皇台的街坊酒楼，食中秋节全包宴。一席12位$1,980全包，免茶、芥、小食同加13%，仲有2枝珠江啤酒，以及1枝2016年法国红酒送，虽然唔包汽水饭粥，只要对招呼无严格的要求，都非常超值了。首先上乳猪一只，不过比把较剪你，要自己动手堂剪。最有趣系只猪无咗两只猪手，唔知系唔系用来做下栏？樱花虾蚝饼，本来应该最后上，但第二道菜就现身，明显系厨房做到边出到边。蚝饼嘅蚝都唔算细粒，味道普通，不过都叫做松化。海鲜大杂烩，做热荤唔错，有肉片虾仁花枝同迷你带子伴西兰花，系跟碟个碟蚝油非常咸。本来排尾二嘅贵妃鸡，呢个时候上咗台，水准竟然唔错，冰鲜货虽然无咩鸡味，但都做到几嫩滑。而餐牌排第二嘅上汤海虾伊面底，呢个时候终于出场，水准不过不失啦。因为大家都唔想食燕窝，所以明知唔多环保都拣咗食鸡炖鲍翅，几足料，汤亦浓，翅颇多。昆布萝卜煮蚬，个配搭几新鲜，萝卜几够入味而腍，蚬就细只咗少少，其实配昆布就似乎唔太啱feel。文公子对套餐的蒸海班，都知道唔可以有太高要求，但今晚条鱼虽然系养鱼，但蒸得几滑，火喉刚刚好。玉环酿瑶柱最后出现，虽然唔系瑶柱甫而系丝，但都
10个老同学加埋超过500岁
去近宋皇台的街坊酒楼，
食中秋节全包宴。
一席12位$1,980全包，
免茶、芥、小食同加13%，
仲有2枝珠江啤酒，
以及1枝2016年法国红酒送，
虽然唔包汽水饭粥，
只要对招呼无严格的要求，
都非常超值了。
首先上乳猪一只，
不过比把较剪你，
要自己动手堂剪。
最有趣系只猪无咗两只猪手，
唔知系唔系用来做下栏？
樱花虾蚝饼，
本来应该最后上，
但第二道菜就现身，
明显系厨房做到边出到边。
蚝饼嘅蚝都唔算细粒，
味道普通，不过都叫做松化。
海鲜大杂烩，做热荤唔错，
有肉片虾仁花枝同迷你带子伴西兰花，
系跟碟个碟蚝油非常咸。
本来排尾二嘅贵妃鸡，
呢个时候上咗台，
水准竟然唔错，
冰鲜货虽然无咩鸡味，
但都做到几嫩滑。
而餐牌排第二嘅上汤海虾伊面底，
呢个时候终于出场，
水准不过不失啦。
因为大家都唔想食燕窝，
所以明知唔多环保都拣咗食鸡炖鲍翅，
几足料，汤亦浓，翅颇多。
昆布萝卜煮蚬，
个配搭几新鲜，
萝卜几够入味而腍，
蚬就细只咗少少，
其实配昆布就似乎唔太啱feel。
文公子对套餐的蒸海班，
都知道唔可以有太高要求，
但今晚条鱼虽然系养鱼，
但蒸得几滑，火喉刚刚好。
玉环酿瑶柱最后出现，
虽然唔系瑶柱甫而系丝，
但都咬落清甜，
甜中又带有丝丝瑶柱鲜味，
配合起上来，口感都唔错。
单尾系迷你蛋黄白莲蓉月饼同雪梨~
大家只好继续努力，
食到10个大男人捧住个肚的一餐~
46 浏览
0 赞好
0 留言
22 浏览
0 赞好
0 留言
28 浏览
0 赞好
0 留言
张贴
