馬丁王越式法包 (已結業)

小猪最后转校去德信幼稚园，先发现德兴街原来都多野食，见到「马丁王」个名咁熟口面既，好似之前饮食男女有见过但冇特别去揾食，既然有缘，就试下啦。下午1点未见排队，但等包期间都一路有人买外卖，铺头有几个位可堂食，铺头有3个姨姨负责，厨房都大而干净。包食得多，越式法包都系第一次食，但外卖既都系叫捞檬既😂拣左鸡肉，细size,lunch hour都冇set😱净包都$38，加水同可乐加$4，加冻柠茶要正价$14买😱😱😱加埋$52，贵wo,不过好食都冇所谓....之但系....法包的确好软熟好脆，头几啖都唔多觉鸡肉既？原来叮屎咁细旧，大开睇同青瓜一样粗幼既「鸡条」，大量既酸菜真系吃不消，食到尾打开个包拎条「鸡条」食，冇乜味😰 $38真系唔平，subway食都唔会咁少肉，咩事，食到尾酸菜顶唔顺，系咪我叫错，应该叫其他肉会好d?$14既冻柠茶可以唔使叫，茶味欠奉。等包期间见到有小猪最爱既虾片，啡色较浓味，少少辣，白色唔辣冇咁浓，买左啡色试下，几好味，好彩都有野好味。