將軍會館

营业中

休息中

今日星期六本身谂住一家人嚟将军会馆饮个早茶，展开新嘅一天。我哋叫咗六个点心一个蒸饭，奈何食到最尾嘅鲜竹卷，先发现有一只曱甴喺汤入边浮游。我哋即刻叫楼面过嚟，佢只系讲咗句唔好意思，话将呢一个点心cancel。我哋即刻叫佢请经理过嚟经理过到嚟之后都系讲一句话将呢个点心cancel我哋话如果一开头就发现呢一只曱甴，我哋呢一餐都唔会再食。经理话佢可以自己本人帮我哋埋单，但系我同佢讲，我哋本身就谂住食呢餐饭俾钱，我哋亦都唔需要你帮我去俾钱，因为责任唔系你度，而系餐厅本身。呢间餐厅嘅员工处理问题手法有问题，卫生差。